Nana youness

مرحبا اسمي هديل من اصول سورية مقيمة باستراليا من ٦ سنين ، متزوجة وام لطفلين بنت وصبي 
دارسة بسوريا مساعدة مهندس واجيت بعدا لهون كونت هالعيله الصغيرة 
عملت كورس تركيب رموش بس ما اشتغلت فيه 
رجعت قررت طور واتعلم مهارت اكتر وحيل خفيه بهوايتي يلي هيي المكياج 
وبالفعل عملت كورس واشتغلت ع كتير اشيا ماكنت بعرفا وتعلمتا ولسا عم اتعلم 
اخدت شهادتي وبلشت اشتغل ع مودلز مابعرفن ولسا متابعة انشالله ، طريقي طويل بعرف وبدي وقت لحتى انعرف بوسط مليان ناس بتخص الجمال والمكياج بس مآمنة بنفسي وبطريقي اللي فتحلي ياه رب العالمين 
كلمة صغيرة الكون ليدز : انو رغم كل الصعوبات وكم الاحباط يلي بيجينا من الناس والنظرات يلي وراها الف كلمة لازم نتابع وكل نظرة لازم تعطينا دافع لنتقدم خطوتين مو خطوة وحدة بس وكل ما ذاد الكلام كل ما كان طريقنا للنجاح عم يقربله. 
كل التوفيق لكم بالمقدمة ولي بالخاتمة